RIMEKEMBJA 14/ 12/ 2004 [ ii ]

?(AR)MIQTË E FLAMURIT? SULMOJNË HIMNIN KOMBËTAR

Në gazetën ?Shekulli? të datës 1 mars 2001 u botuan
shkrimet e titulluara ?Himni kombëtar në pikëpyetje.
Deputetët duhet të vendosin nëse duhet bërë ndryshimi? dhe
?Shoqata e shkodranëve kundër himnit të Asdrenit?. 
Në këto shkrime thuhet se deputetët paskan shqyrtuar në
grupe të veçanta por ende nuk kanë vënë në rendin e ditës
të parlamentit propozimin e një shoqate të krijuar në
muajin janar 2001 në Shkodër me emrin ?Miqtë e Flamurit? që
dashka të përmbyset himni kombëtar shqiptar, duke u
ndërruar muzikë e fjalë dhe të zëvendësohet me një himn të
ri. Në krye të kësaj shoqate na qenka njëfarë burri me
emrin Luigj Temali, ekonomist 60 vjeçar dhe u përbëka nga
dofarë burrash të tjerë me emra si Paulin Selimi, Kolec
Pepa, Fadil Kraja, Nikolla Spathari edhe të dëgjuar edhe
për të mos u dëgjuar.Për fat të keq, gazeta përmend edhe
një emër femëror, Fatime Kulli. Për fat edhe më të keq, që
inshallah nuk është ashtu, gazeta ?Shekulli? shkruan se
?edhe profesor Ramadan Sokoli me origjinë kosovare është
shprehur për ndryshimin e himnit ekzistues?. Në këtë
fjalinë e fundit bie në sy djallëzia që origjina e Ramadan
Sokolit përdoret për ta implikuar në njëfarë mënyre edhe
Kosovën në këtë nismë të mbrapshtë në kohë shumë të
mbrapshta e të rrezikshme për kombin shqiptar.
Këta ?Miqtë e Flamurit?, që na paskan dalë si me magji në
Shkodër në janar të vitit 2001, sepse sipas tyre deri tani
Flamuri shqiptar paska qenë jetim jo vetëm pa prindër por
edhe pa miq, na paskan bërë zbulimin e hatashëm se ?Himni i
Flamurit është i vjetëruar, jashtë kohës? dhe u dashka
zëvendësuar me një himn të ri ?më aktual e tërësisht
shqiptar?. Megjithatë, këta armiq të Himnit të Flamurit, që
na paraqiten si ?Miqtë e Flamurit?, vet e pohojnë se nuk
janë këto arsyet kryesore sepse vërejtja e tyre është që
teksti i Himnit është përshtatur nga një poezi e poetit
rumun, Zaharia Bërsan, ndërsa muzika nga kompozitori rumun
Porumbesku. 
Gati një shekull pasi ky Himn Flamuri u ka prirë
shqiptarëve në beteja, në luftë e në paqë, në gëzime e
hidhërime, ka frymëzuar breza të tërë shqiptarësh, ka
pritur e ka përcjellë miq të trojeve shqiptare, ka
përcjellë në banesën e fundit trima e luftëtarë, ka gjëmuar
nëpër ceremonira të vendeve të tjera të botës, është bërë
pjesë e qënies njerëzore, individuale e kolektive të
shqiptarëve kudo, është kënduar në festime e gëzime, në
mjerime e hidhërime, qenka bërë jashtë kohe e jo aktual për
ca ?Miq të Flamurit?, që kanë dalë në Shkodër dhe i paska
cënuar në zemër që në tekstin e muzikën e këtij Himni
Kombëtar shqiptar paskan kontributin e tyre një poet dhe
një kompozitor rumun.  
Në emsionin e darkës të datës 1 mars Radio Kontakt në
Tiranë bëri një punë me vlerë kombëtare që hapi debat me
dëgjuesit për këtë çështje. Ishte me vlerë të madhe
kombëtare që të gjithë ata dëgjues që telefonuan shprehet
zemërim dhe indinjatë ndaj propozimit të këtij grupi
shkodranësh duke e cilësuar propozimine tyre cinik, të
pabazuar, provokues, antishkencor, antikombëtar, përçarës,
sulm kundër simbolikës së shenjtë kombëtare, veprim që u
shërben vetëm lojrave të armiqve të kombit shqiptar.
Drejtuesi i emisionit Agron Bala bëri një punë me vlerë kur
lexoi një shkrim të të ndjerit Lazër Radi, i cili qysh në
vitin 1937 me argumenta e saktësi ka hedhur poshtë
propozime të kësaj natyre dhe pretendimet se e keqja e
himnit është kontributi i rumunëve në të. 
U theksua se edhe para LDB në kohën e monarkisë paska qenë
diskutuar ky problem dhe shqiptarët kanë hedhur poshtë këtë
ide. U sqarua se edhe në kohën e diktaturës komuniste ka
patur ndonjë dëshirë të tillë, por nuk ka gjetur terren e
përkrahje. Dhe ja tani kur Shqipëria e kombi shqiptar kanë
male me halle, dalin ?(ar)miqtë e Flamurit? në Shkodër të
hedhin valle mbi shenjtërinë e Himnit të Flamurit se nuk
duruakan vjetërsinë ( në kuptimin primitivitetin) e tij dhe
kontributin e dy artistëve rumunë në përgatitjen e tij. Të
kishin dalë disa ?Miq të Internacionales? apo ?Miq të
Diktaturës së Proletariatit? në kohën e Enverit kur
Shqipëria nuk ishte shtet kombëtar, por shtet ideologjik, e
të propozonin një himn me një përmbajtje të thellë klasore
dhe formë internacionaliste,  që të ishte më shumë himn i
Partisë së Punës dhe i Enverit edhe mund të kishte një
shpjegim. Por as atëherë nuk guxuan shqiptarëte
ideologjizuar me internacionalizzëm proletar të shkonon kaq
larg sa të mbërrinte propozimi në parlament. Ndërsa tani
deputetët në vend që ta flakin tej këtë propozim u marrkan
me të. 
Në kohën e Enverit Himni i Flamurit u nënvleftësua, sepse
nuk mësohej më në shkolla, nuk ekzekutohej sa duhej, iu hoq
strofa e mrekullueshme e papranueshme për ideologjinë
komuniste. Por nuk u sfidua deri në këtë shkallë sa bëjnë
shkodranët që vetshpallen ?Miq të Flamurit? (një kopjim
grotesk i emërtimit të disntiktivit ?Miqtë e Librit? në
kohën e Enverit). Në vitet e diktaturës shumë vetë mund të
ëndërronin që Himni Kombëtar të ishte Internacionalja apo
kënga revolucionare si ?Në një dorë kazmën e në tjetrën
pushkën?. Por përsëri zyrtarisht  nuk u bënë tentativa të
tilla ndonëse këto këngë revolucionare me tekste
ideologjike dhe muzikë të fuqishme buçisnin pa pushim në
radio e televizion.
Dhe ja, tani kur fjalët e Himnit të Flamurit janë më
aktuale se kurrë ndonjëherë për kombin shqiptar dhe muzika
po depërton edhe më thellë në shpirtin e zemrat e
shqiptarëve pas një neglizhimi  gjysëm shekullor, na
mblidhen disa shkodranë dhe  shpallin se këto nuk qenkan
aktuale dhe duhet bërë himn i ri. Ky është një atentat
kundër Himnit të Flamurit, madje një atentat me një
prapavijë politike shumë djallëzore dhe të rrezikshme. Ka
një fushatë të gjithanshme, brenda e jashtë Shqipërisë, për
të sulmuar simbolikën kombëtare shqiptare, për të prishur
shenjat që e kanë paraqitur kombin tonë për komb, për të
treguar se shqiptarët nuk kanë krijuar asgjë që mund t?i
qëndrojë kohës, se shqiptarët janë ende në kërkim të
idenditetit, të personalitetit që nuk e kanë gjetur kurrë,
se shqiptarët as simbolikë të vetën nuk kanë mundur të
krijojnë etj.  
Në Shqipëri ka pseudointelektualë sherrxhinj që thonë se
shqiptarët e Shqipërisë dhe ata të Kosovës qenkan dy kombe
të ndryshme se kanë zhvilluar dy kultura të ndryshme. Në
Kosovë dolën homologë të këtyre sherxhinjve dhe nëpërmjet
gazetës ?Koha Ditore?e kryeredaktorit të saj Baton Haxhiu,
shtruan problemin që Kosova të ketë një Flamur të ri të
ndryshëm nga Flamuri Kombëtar shqiptar që kemi. Sikur
?miqtë e Flamurit? në Shkodër të kishin qëllim të nismës së
tyre kundërshtimin e këtij plani djallëzor për të ndarë e
coptuar edhe Flamurin Kombëtar siç është diskutuar në
Kosovë, do të kishte kuptim . Mirëpo këta shkodranë bëjnë
hap edhe më të keq, duan që të shkatërrojnë edhe Himnin
Kombëtar që pastaj shqiptarët të kenë aq himne shtetërore
sa janë shtete në të cilat janë ndarë. Propozimi i këtyre
shkodranëve  shkon në linjën e platformës antikombëtare të
Akademisë së Shkencave për (mos)zgidhjen e çështjes
kombëtare.
Asnjë poet, as gjithë poetët bashkë, nuk do të mund të
krijonin një varg më kuptimplotë, më të fuqishëm, më të
domosdoshëm sot për shqiptarët se ai i fillimit të Himnit
?Rreth flamurit të përbashkuar?. Kjo u duhet shqiptarëve
kudo ku janë, të bashkohemi rreth flamurit për të bashkuar
kombin, shpëtuar kombin. Kush mund të sajojë diçka më
madhështore, më detyruese se vargu i dytë : ? me një
dëshirë me një qëllim? për të bërë atë që vijon ?betim e
besëlidhje për shpëtim?. A ka gjë më aktuale, më të kohës,
më të rëndësishme për shqiptarët sot se sa këto?! Po strofa
e dytë mallkuese për ata që largohen nga lufta si frikacakë
me se mund të zevendësohej sot, me ndonjë thirrje të grupit
të shkodranëve për t?u hipur gomoneve; me arsyetimin se
Shqipëria ?është vend i mallkuar e nuk bëhet??! Kush do të
kishte një tru gjenial që të sajonte diçka më sublime, më
kushtrimtare, më shpëtimtare për shqiptarin e kombin
shqiptar në rrethanat e sotme se vargjet e strofës së tretë
për të mbajtur armët në dorë e mbrojtur atdheun në çdo cep,
për të mos ndarë të drejtat e shqiptarëve dhe për të mos i
lënë vend armikut në truallin shqiptar? 
Mos vallë janë vizitat e shpeshta që bëjnë misionarët
grekë, sllavë e italianë në Shkodër, vizitat e Janullatosit
e Bartolomeut dhe të ?miqve? të tjerë si ata që ua kanë
mbushur mendjen këtyre ?miqve të Flamurit? se këto vargje
janë të vjetëruara?! Mos janë të huajt që i vijnë vërdallë
Shkodrës që nxisin psikozën se  në Shqipëri tani duhet të
ketë plot vend edhe për sllavë e grekë, për mafiozë nga
përtej detit, se shqiptarët të drejtat e tyre duhet t?i
pjestojnë me të tjerë?! Himni i Flamurit ka nevojë vetëm
për një ndreqje, rikthimin e strofës që e ekzekutoi
komunizmi, në të cilën thuhet se Perëndia ka thënë se do të
rrojë Shqipëria, pasi për të luftojnë shqiptarët.
Disa nga ata që bëjnë pjesë në ? (ar)miqtë e Flamurit?
njihen për të indoktrinuar dhe indoktrinues të zellshëm me
ideologjinë komuniste dhe si duket janë kujtuar për atë
furmulën kineze të kohës së revolucionit kuulturor para 35
vitesh ? luftojnë flamurin e kuq duke tundur flamurin e
kuq?. Prandaj e kanë gjetur më praktike të krijojnë shoqatë
me emrin kumbues ?Miqtë e Flamurit? që të nisin fushatën e
turpshme kundër Himnit të Flamurit. Nuk ka kuptim por është
spekullin të krijosh shoqatë me emër të tillë. Shqiptarët
nuk duhet të shpallen ?miq të flamurit? por ta ndjejnë
veten ushtarë të Flamurit dhe luftëtarë për Flamur. Po ata
që nuk bëjnë pjesë në këtë shoqatë mos vallë qenkan ?amiq
të Flamurit?!?
Sulmi kundër Himnit të Flamurit ndërmerret në kuadër të
strategjisë së Fatos Nanos për të zhbërë 555 vite të
historisë së Shqipërisë. Disa dashkan ta ruajnë Flamurin,
sepse ky vjen nga një kohë që Fatos Nano nuk e ka përfshirë
në ?reformën e tij historike? dhe sepse përputhet edhe me
propagndën e disave që shqiptarët duhet të kthehen në
?latinizëm skënderbegian?. Kurse Himni i Flamurit, që
përfaqëson e simbolizon periudhën e shteformimit modern të
shqiptarëve, u dashka zhdukur. Këtu ka vetëm djallëzi.
Urojmë që këta shkodranë të mos priren nga fantazitë për
?kantonin e Shkodrës?, që ata të mos jenë ndikuar nga inate
që Himni Kombëtar i shqiptarëve është përgatituur nga tre
veta të besimit ortodoks, rumunë e arumunë. Kur njerëzit i
shërbejnë kombit shqiptar pavarësisht nga besimi e kombësia
ata duhen nderuar nga kombi ynë siç e meritojnë
Fakti që Himni i Flamurit mbart edhe vulën artistike të dy
rumunëve u bën nder shqiptarëve dhe i shton vlera këtij
Himni. Në vend që të pranojnë arsyetimet e ?(ar)miqëve të
Flamurit? nga Shkodra, atdhetarët shqiptarë do të ishte
mirë të mendonin të ngrinin një ansambël skulptural në një
vend të dukshëm të Shqipërisë për të përjetësuar
bashkëpunimin e poetit e kompozitorit rumun me poetët
shqiptarë Asdreni e Hil Mosi që ia dhuruan kombit shqiptar
këtë himn të mrekulluesshëm.    
5 .03.2001                                                 
                              Abdi Baleta




RROFTË IMPERIALIZMI AMERIKAN

POSHTE "PUSHTETI FRANCEZ" QË PREMTON BERISHA

 Mos u trondisni të nderuar lexues nga shfaqja e termave
"imperializëm amerikan". Duam apo nuk duam ne në botë
tashmë thuhet se SHBA është e vetmja fuqi mbizotëruese,
komanduese. SHBA tani quhet edhe "hiperfuqi" pra një gjë
dhe më e fuqishme, më urdhëruese se ajo që dikur e quanim
"superfuqi". Në një kuptim kjo është perandori. Kurrë bota
nuk ka pasur të tillë perandori të fuqishme. Imperializmi
në kuptimin e mirëfilltë të fjalës do të thotë pushtet e
sundim perandorak në marrëdhëniet ndërkombëtare. Edhe
Musolini kur shpjegonte politikën imperialiste të Italisë
me imperalizëm kuptonte vullnetin e një populli për të
sunduar një popull tjetër. Ne shqiptarët mburremi se kurrë
nuk na ka zënë kjo sëmundje në histori. Megjithatë nuk kemi
si ndalojmë të tjerët t'izejë një sëmundje e tillë.
Ne shqiptarët më shumë kemi për të diskutuar se nga cili
imperializëm kemi parë të këqijat më të mëdha e të këqijat
më të vogla në historinë tonë. Por ky është problem që
duhet diskutuar me nge.  Tani më e ngutëshme është të themi
se vetëm nga imperializmi amerikan, domethënë nga vullneti
amerikan për të imponuar pushtetin e vet në botë në na
ardhtë ndonjë gjë e mirë. Të tjerëve ua kemi parë sherrin.
Në këtë kuptim e vlen të themi ":rroftë imperializmi
amerikan" edhe në se të tjerë i bezdis ky adhurim shqiptar
për Amerikën. Janë të shumta shenjat se në Europë zemërohen
shumë me Shqipërinë e shqiptarët plikërisht se ne adhurojmë
atë që europianët e shohin si imperializëm. U bënë kaq vite
që në Shqipëri nuk pushojnë sherret, ngatërresat, intrigat,
komplotet e kacafytjet. Tani ka dalë qartë se shkaku madhor
është pikërisht një dinakëri e vendeve fqinje të Shqipërisë
edhe e disa fuqieve europiane për të nxjerrë në Shqipëri e
në kurriz të shqiptarëve inate që kanë me Amerikën, me
imperializmin amerikan dhe që nuk guxojnë t'i nxjerrin atje
ku duhet.
Në betejën poltike për ripërtëritjen e pushtetit që
shqiptarët kanë përpara  duhet të ketë për shqiptarët vetëm
një kriter gjykimi " të shohin cila parti ka më shumë
mundësi të jetë më e pëlqyeshme për imperializmin amerikan.
Berisha pas një vizite në Francë dha një shenjë shumë të
keqe që qysh tani të bën t'i largohesh, premtoi për
shqiptarët një pushtet me ndihmën e Francës. Dikur kemi
qenë të detyruar të shkruanim për të kundërshtuar
veprimtaritë arrogante të shtetasit francez Zhylien
Rosh"Shqipëria nuk ka qenë e nuk do të bëhet protektorat
francez". Mesazhi që solli Berisha nga Franca na pezmaton
sepse duket sikur këtë bast do ta fitojë Zhylien Roshi
potencali propagandistik i të cilit në propagandën
shqiptare është fuqia publicistike e Berishës. Nuk e
dëshirojmë në asnjë mënyrë të hunmbasim këtë bast. Prandaj
do të kujndërshtojmë manovrat politike të Berishës. Për të
tjerat do të shohim e të bëjmë.
PËR SHQIPTARËT:

LUFTA E FTOHTË NUK KA MARRË FUND

KONCEPTI I DY SUPERFUQIVE NUK ËSHTË I KAPËRCYER
 .
Këto ditë u bëmë dëshmitarë të dy veprimtarive diplomatike
nga përfaqësues të diplomacive të dy vendeve që janë
ndeshur për Shqipërinë gjatë viteve të luftës së ftohtë dhe
që politika shqiptare e kohës së komunizmit i vlerësonte 
sipas konceptit të "dy superfuqive imperialiste.
Ambasadorja e re amerikane bashkë me drejtuesit e USAID-it
në Shqipëri gjatë një tubimi demaskues për korrupsionin
thanë se Shqipëria është vendi më i korruptuar në
Europë.Gazetat e televizionet u turrën pas këtyre fjalëve
sikur të kishin zbuluar një thesar të madh, sikur nuk e
dinim më parë këtë gjë. Disa (pala qeverisëse) e paraqitën
sikur këto fjalë u drejtoheshin gjithë shqiptarëve,shtetit,
të tjerët (pala opozitare) sikur u drejtoheshiv vetëm një
grushti qeveritarësh. Kjo ka pak rëndësi. E rëndësishme
është që Amerika na thotë se jemi zhytur keq në korrupion,
dhe duhet të dalim që të na kushtojë vemendje. Këshillë
miku. Pra njëra nga dy superfuqitë e djeshme na alarmon, na
këshillon e na tërheq veshin për të mirën tonë. 
Në të njëjtën kohë në Tiranë erdhi ministri i jashtëm i
Rusisë, zotëri Llavrovi. Me këtë rast pamë një veprimtari
diplomatike ruse, se ambasada ruse në Tiranë është shumë e
heshtur, punon nën rrogoz si i thonë fjalës, jo si ajo
amerikane që merret gjithë kohën me populizëm diplomatik.
Mirëpo ministri rus kishte ardhur për punë tjetër. Nga
tensionet që u krijuan pas vizitës, me gazetarë, me
turivarjen e pushtetarëve shqiptarë kuptuam se nga
superfuqia tjetër imperialiste nga kishte mbërritur një
furnizim i ri me mallra që rusët i quajnë "palitika balshoj
dubinki" ( politika e dajakut). Ndryshe nuk kishte përse të
tregohej i sëkëlldisur ministri i jashtëm Kastriot Islami,
njeriu që e zgjodhi Ramiz Alia në vitin 1991 të shkonte t'i
dërgonte mesazhin konfidencial Gorbaçovit dhe kur Kastrioti
e dorëzoi këtë mesazh nuk mori me vete as anëtarin tjetër
të delegacionit parlamemtar që e shoqëronte nga Partia
Demokratike.
Pra ministri i jashtëm Llavrov atë "dajakun e madh" duhet
ta ketë tundur fort që iu prish lezeti vizitës, sa që u
mërzitën shumë dhe "Gazeta (anti)Shqiptare" dhe "Koha Jonë"
e Nikoll Lesit. Vetë shefi i diplomacisë ruse nuk do të
kishte marrë mundimin të vinte në Tiranë pë të tundur
"dubinkën" (stapin e rëndë) sikur të mos kishte një qëllim
të fortë. Është puna e Kosovës. Po fillon viti 2005 kur
thuhet se do të merret një vendim për statusin e Kosovës.
Llavrovi  tha se kjo punë duhet menduar mirë, nuk duhen
bërë veprime të shpejtuara se na plas ndonjë bela. Llavrovi
tha publikisht se këtë punë duhet ta vendosë Europa. Me
siguri në tryezën e bisedimeve ka kërkuar nga homologët
shqiptarë të pajtohen me idenë ruse që Amerika të mbahet sa
më larg çështjes së Kosovës.  Shefat e diplomacisë ruse
Tiranën e kanë begenisur vetëm kur kanë dashur t'ua
mbledhin rripat pushtetarëve shqiptarë që të mos paraqesin
asnjë kundërshtim për projektet që u shërbejnë serbëve.
Këtë përshtypje e përforcoi dhe presidenti serbo-malazez,
Maroviç, gjatë qëndrimit në Tiranë kur tha se për Kosovën
duhet "zgjidhje europiane", pra pa amerikanët. Kështu bënë
edhe zëvendës ministri i jashtën rus Avdjejev dhe
ish-ministri i jashtëm Ivanov kur vizituan Tiranën për të
detyruar Metën e Milon të përkrahnin projektet e hapat
diplomatikë rusë për rehabilitimin ndërkombëtar të Serbisë
para disa vitesh.
Pra, për shqiptarët nuk ka përfunduar lufta e ftohtë midis
Rusiës e SHBA për të përmbushur qëllimet e tyre në
Shqipëri. Dhe ne shqiptarët nuk duhet të mendojmë se
koncepti i dy superfuqive është i kapërcyer kur trajtohen
problemet tona.
Njëherësh patëm rastin të dëgjonim fishkëllimat e kamxhikut
të të dy superfuqive pranë veshit. Amerikaët na shpallën më
të këqijtë e Europës në administrimin e punëve të shtetit.
Rusët nuk çajnë kokën për këtë, sepse nuk janë më mirë
vetë, por na kërcënojnë për Kosovën. Formula e Enver Hoxhës
jo vetëm për rastin e Shqipërisë ishte se "edhe kur dy
superfuqitë grinden, edhe kur bashkëpunojnë harxhet i
paguajnë popujt" (një zbatim në politikë i mençurisë së
vjetër indiane se "edhe kur elefantët zihen, edhe kur bëjnë
dashuri bari shkilet"). Këtë e kemi provuar në mjaft raste.
Por tani duhet uruar që dy superfuqitë (sa për të
ngatërruar punët e shqiptarëve Rusia mbetet superëfuqi) të
mos arrijnë as të zihen me të vërtetë, as të bëjnë dashuri
në tokën shqiptare e për problemet e shqiptarëve. Dikur
thonim "Rroftë  BS (Rusia) se na mbron nga Amerika". Tani
na intereson të bërtasim "Rroftë Amerika se ishalla na
mbron nga Rusia". Pra, lufta e ftohtë për ne nuk ka
mbaruar,as përballja e dy superfuqive nuk është kapërcyer,

12 dhjetor 2004                                            
Abdi Baleta 


KUR DO TË SHPËTOJMË NGA NJË "MIKE" CINIKE.

Për qëndrimet e zonjës gjermane Doris Pak që është e
plotfuqishmja e parlamentit europian për punët e rajonit
ballkanik na është dashur të shkruajmë disa herë me
mospajtim. Kjo zonjë paraqitet si mike por nuk na krijon
gjithnjë besimin e duhur për këtë. Nganjëherë na krijon
idenë se është mike cinike. 
Më 6 dhjetor lexuan në gazetën "55" një kërcënim të zonjës
Pak : "Po s'bëtë zgjedhje siç duhet mos kërkoni as vit
anëtarësimi në BE". Shumë e egër është treguar zonja. Ajo
ka gjithë këto vjet që vjen e na mëson politikë në
Shqipëri. Na është mburrur se sajoi për Shqipërinë
zgjiidhje ideale për presidentin konsensual. Tani na tremb.
Ende nuk e kemi marë vesh se çfarë quan zonja "zgjedhje siç
duhet", se europianët pranojë për zgjedhje dhe farsa si në
vitin 1997, dhe ato të manipuluara si në vitin 1996 e në
vitin 2001. Pastaj nuk dimë as modelin ndërkombëtar sepse
kudo, duke përfshirë dhe Amerikën, zgjedhjet dalin të
dyshimta. Nëse zonja Pak i ka thënë me gjakftohtësi ato
fjalë atëherë do t;i themi se ajo ka dështuar në
eksperimentet e saj shqiptare.
Në "Tema " të datës 10 dhjetor ishte një intervistë e
zonjës Pak nën titullin "Për Kosovën pranojmë pavarësi nën
mbikqyrjen e BE-së". Të tillë pavarësie nuk mund të ketë.
Pavarësia ose është tamam, ose nuk është. Ato punët e
mbikqyrjes zgjidhen pastaj në marrëveshje me shtetin e
njohur të pavarur. Mos vallë zonja Pak ëndërron ndonjë ofiq
si mbikqyrëse europiane e pavarësisë së shtetit të Kosovës
kur të lërë ofiqin që ka ?!

12 dhjetor 2004                       Abdi Baleta 

SHQIPTARËT E NXORRËN INATIN ME KORRUPSIONIN 

Prandaj mund të vazhdojnë të korruptohen e të korruptojnë
se nuk ka dalë kot llafi "korrupsioni është vaji
lubrifikant i pushtetit", sidomos kur pushteti është
makineri e ndryshkur dhe e montuar keq,
Në ditën ndërkombëtare të luftës kundër korrupsionit u bë
dhe ai mitingu i shumë reklamuar që e paska sponsorizuar
edhe OKB-ja të cilës i duhet të harxhojë fondet që cakton
për kësi punësh dhe të shënojë disa veprimtari për të thënë
se janë zbatuar rezolutat e miratuara.
Këto mitingje ku shembet simbolikisht piramida e
korrupsioni mbetet në këmbë në jetën shqiptare ende nuk
shkaktojnë entuziazëm. Ajo që pamë në sheshin "Skënderbej"
para piedestalit bosh të monumentit të Enverit të kujton
historinë  në një fabrikë japoneze ku punëtorët
shfrytëzoheshin me një ritëm të tmerrshëm pune. Ata
nervozoheshin, nxirrnin inatin mbi makinat, nuk ishin aspak
të qetë kur shkonin të hanin në mensë. Dikush bëri shpikjen
shpëtimtare. Në korridorin nga reparti i punës tek mensa e
ngrënies vendosën një bust të ngrysur e kërcënues të
përgjegjësit të egër te repartit. Punëtorët kalonin para
tij dhe e pështynin, Inati u binte. Në mensë shkonin më të
qetë e hanin më mirë. Pastaj në rrugën e kthimit pështynin
dhe një herë bustin dhe ia hynin punës me vrull. Rendimenti
u rrit. Mos do të na ndodhë edhe ne kështu me atë mitingun
e rrëzimit të piramidës së korrupsionit?!

12 dhjetor 2004                                         
Abdi Baleta 

PSE I TREMBEN BOSHKOVSKIT PUSHTETARËT NË TIRANË?

Edhe një herë zotëri Gafurr Adili bëhet objekt përndjekjeje
policore dhe sulmesh politike vetëm se shpreh qëndrimet
politike të një mekanizmi politik që kryeson dhe që ka si
qëllim bashkimin kombëtar të shqiptarëve. Zotëri Adili
dërgoi një mesahz për dhunuesit e të drejtave të
shqiptarëve në Maqedoni. Për këtë u vu menjëherë në
shënjestër. U kërcënua se do të shpallet persona non grata
çka do të thotë të dëbohet nga Shqipëria. Po për ku?. Ai
nuk ka ku shkon, përveç Maqedonisë ku e pret burgu për
veprimtari politike. Në një kohë kur është bërë zhurmë për
zhdukjen pa lënë gjurmë të një shqiptari nga Maqedonia në
kohën e Berishës, kërcënohet Gafurr Adili se mund t'i
ndodhë një fat i ngjashëm. Këto kërcënime e trajtime të
paligjëshme dhe të padrejta  bëhen sapo Boshkovski mori në
Maqedoni postin e kryeministrit. Gafurr Adili u arrestua
dhe bëri padrejtësisht gati një vit burg pas një vizite të
ministrit të mbrojtes të Maqedonisë, Boshkovskit, që kishte
ardhur në Shqipëri të inspektonte vendet ku thuhej se
përgatiteshin luftëtarë të AKSH-së. Pse i tremben kaq shumë
pushtetarët në Tiranë Boshkovskit të Shkupit?!

12 dhjetor 2004                                 Abdi Baleta

 DERI KU E TOLERON PD IDENË E NJË "REPUBLIKE KATOLIKE"?

Më 7 dhjetor ranë në sy për keq titujt gazetareskë
"Berishët : Shkodra qytet shtet si Struga" ( "ZP") ,
"Shkodra do të shpallet qytet-shtet" ( "Korrieri). Në
"Korrieri"  jepej si nëntitull shpjegimi "Deputeti i PD-së,
Ferid Hoti, shprehet se mungesat e investimeve mund ta
detyrojnë opozitën të kërkojë shpalljen e Shkodrës si qytet
shtet.". Mund të thuhet se këto deklarata të deputetit janë
një shpërthim emocional i pakontrolluar dhe nuk duhet të
përfliten si gjest politik i menduar dhe i peshuar. Por
përderisa ato kanë dalë nga goja e deputetit nuk mund të
lihen jashtë vemendjes. Ka një fakt tjetër që e zvogëlon
mundësinë që ato të jenë thjesht shpërthim inatçor i
deputetit për problemet që ka Shkodra. Ferid Hoti është
autor i një studimi dhe i një fushate për "Shkodrën zonë e
lirë tregtare". Kemi paraqitur para disa vitesh rezervat
për këtë projekt të tij sepse në kushtet e Shkodrës e të
Shqipërisë kjo në fakt do të thoshte njëfarë "Veçimi nga
Shqipëria".
Por fjalët e Hotit bëhen shqetësuese kur i lidh edhe me
fakte të tjera. Prej kohësh në Shkodër lëvrijnë disa qenie
të çuditëshme katolikocetriste që  imagjinojnë e mbase
projektojnë në fshehtësi lloj-lloj minikrijesa shtetërore
mbi baza fetare katolike.
Më 12 shkurt 2002 në gazetën "ZP" ka qenë botuar shkrimi
"Në Shkodër nis "lufta e ndyrë" në të cilin bëhej fjalë për
një tekst të shpërndarë në formë trakti me përmbajtje
kundër popullsisë së besimit mysliman, për atentate pranë
monumentit të Fishtës. Për këto kemi protestuar edhe ne në
"Rimëkëmbja", madje para "ZP"-së. Në "Rimëkëmbja" kemi
demaskuar edhe një propozim të bërë nga një grup banorësh
shkodranë që kishin krijuar një shoqatë të çuditëshme
"Miqtë e Flamurit" dhe që kërkonin nga parlamenti shqiptar
të zëvendësohej Himni Kombëtar, "Himni i Flamurit" e
hidhnin idenë se dhe teksti nuk ishte më i përshtatshëm. Ky
propozim nuk gjeti rrugën për t'u diskutuar në parlament
sepse pati reagime kundër, por ama një atentat kundër
simbolikës kombëtare u bë.
Tani ka fakte të reja se nuk paskan hequr plotësisht dorë
nga kësi marifetesh në Shkodër. Me rastin e 28 nëntorit,
kremtimit të 60-vjetorit të çlirimit e 92- vjertorit të
Shpalljes së Pavarëisë, Bashkia e Shkodrës ka shpërndarë
ftesa për të marrë pjesë në ceremonirat e ndryshme festive
që ishin të shumta. Në këtë ftesë në njërën faqe të
brendshme ishte programi i veprimtarive në faqen tjetër
stampohej flamuri i shoqëruar me një tekst "Hymni i
Flamurit', por që nuk ishte teksti i "Hymni Kombëtar".
Ishte një poezi mjaft e bukur e Gjergj Fishtës me këtë
titull, por gjithsesi një poezi, jo një tekst zyrtar i
Himnit Kombëtar. Pra, bashkia e Shkodrës, që drejtohet nga
një njeri i Partisë Demokratike kishte ndryshuar një simbol
kombëtar sipas qejfit të saj. Kjo është e palejueshme,
sepse në çdo veprimtari zyrtare simbolika që përdoret është
vetëm ajo zyrtare kombëtare.
Kur i bën bashkë fakte të tilla duket se nuk mbetet vend
për t'ia lënë rastësisë krijimin e zinxhirit të tyre dhe
nuk mund të besohet se prapa kësaj nuk ka qëllime politike.

12 dhjetor 2004                                         
Abdi Baleta  




KALVARI I SHPRESËS SË MADHE
                                 (Poezi satirike)

Shkuan muaj, shkuan vite
Nga dhjetori demokrat,
Veset u kthyen në rite
Nga qyteti gjer në fshat.
Populli në brohoritje,
Partiakët në aksion,
Nëpër muaj, nëpër vite
Rritën djallin korrupsion.
Turma popull ?me përvojë?
La jetën pas dollibashit,
Tashti mbet me gisht në gojë,
Me shpresë si dhelpra pas dashit?
Që nga Jugu në Veri,
Nga Lindja në Perëndim,
Partitë gjashtëdhjte e një,
Tranzicioni pa mbarim.
Hall nga Shkodra, hall nga Vlora,
Kudo në ballë partia,
Ç?bënë a iu thaftë dora,
Ankth Evrope Shqipëria.
Kapedanët që besuam
Shkelën fjalën, shkelën nder,
Na shtrydhën, na detyruan
Të kujtojmë ?xhaxhin? Enver?
Të kujtojmë atë kohë,
Tërë ato vite ibret,
Më tepër se gjysma jonë
Gatuante në tualet?
Jeta u mbush me shoqata,
Pluralizmi lulëzon,
Ndërkombëtarët venë e vijnë
Nga aksioni në aksion?
Papritur ushtoi Tirana:
Një tjetër forum rinor
Kërcënon Alaromana:
Mjaft, të themi, Korruptor!?
Prapë naivët me urra,
O shokë, u gjet enigma,
Çirru burra, çirru gra:
U shfaq shpresa, vetë ?SIGMA?:
Mjaft, ore, u themi: Mjaft!
Mjaft! ? u thotë politrinia,
Se ç?do bëhet këtu lart
E dimë vetë, vulos Partia?
Zjarri që u shfaq me flakë
Nga një mjegull u mbulua,
Të panxënët gati prapë
Për t?u dalë një tjetër SUA?
Në shesh të Skënderit
Sërish brohoritje,
Të marrët në ballë,
Të urtët në pritje?
Shfaqet në tribune,
Si ditë behari,
Me premtime shumë
?Mbrojtje qytetari?!!!
Pritet me urra
Në çdo fjalë lideri,
S?u lodh n? hosanna
I urti, i mjeri?
S?do kalojë shumë
Dhe zhurma do tretet,
?Mrojtje qytetari?
Kujtim do të mbetet?
Historinë e shkruajnë
Dy partitë motra,
Njëra pret te shtegu,
Tjetra pret te porta?
Zgjedhjet po afrohen,
Gëzohu, o popull!
Sërish politika
Do të sjellë rrotull.
O burra, vërshoni
Nëpër sheshe, salla:
Rroftë shoku Tosi!
Rroftë zoti Sala!
Ecë, birko, ecë
Prapa dollibashit,
Kur vetë e  kërkon
Si dhelpra pas dashit?

Tiranë, 11 dhjetor 2004                                   Siri Sulejmani


VATHËS IU HOQ TRINA, 
MEKSIN S?E NXE VRIMA


Edhe sivjet nuk shpëtuan nga ulërimat entuziazte dhe
përbetimet për të bërë hatara të Sali Berishës nëpër
ceremonirat e përvjetorit të Lëvizjes së dhjetorit 1990 dhe
të themelimit të PD-së. Nuk munguar dhe suriprizat
diversioniste që bën Saliu në kësi rastesh. Ndryshe nga dy
vite të shkuara kur bëri surprizë duke ftuar Fatos Nanon
pas pajttimit, kësaj radhe kishte lënë pa ftesë Nanon për
shkak të zemërimit dhe kishte ftuar Metën e Majkon, që i do
aleatë  në fushatat e reja politike. Saliu është ?gjithë
surpriza?. Por surprizat ia bën vetrëm mendjes së tij, se
askujt nuk i bën më përshtypje.
Surpriza tjetër post-festum ( sepse festa e Saliut  për
PD-në e për Lëvizjen edhjetorit duhet quajture e mbaruar
qysh në mars të vitit 1997, kur për shkak të tij e të
Meksit shkoi për dhjamë qeni gjithë puna e nisur në dhjetor
1990) ishte takimi me renegatët e të përdalët e PD-së,
Imamin e Pashkon dhe paraqitja e këtij takimi si ringjallja
e ringritja e PD-së së fillimit. Me kufomat e politikës së
dhjetorit 1990 nuk bëhet dot më politikë dinamike, o Saliu
i surprizave. Kot thërret ngrihu nga varri o pushteti im i
parë. Duke mbledhur delet e dhitë e zgjebosura që ikën nga
vatha ose i largoi nga stani se bënin bylkmet të hidhur më
nuk bëhet tufë e re e shëndetshme politike. Hiqe nga
mendja, o Sali, kohën e lumtur kur bashkohej vala e madhe
shqiptarëve rreth teje. Tani mund të mbledhësh vetëm
dalkaukët, të dëshpëruarit që nuk u ka ecur mirë
karrierizmi.
Ka filluar dhe Ceka t?i lëpihet Saliut, se duket e mori
vesh që nuk vlen më në sytë Fatosit. Edhe Meksi që nga diku
larg u shfaq me zë e fotografi të palëvizëshme në një ekran
të betohej dhe një herë se është gati të hyjë në PD-së po
të hapë Saliu një vrimë për të. Por ama Meksi vrimën
saliste  në PD- e do më të madhe se të dëbuarit e të ikurit
e tjerë sepse  ka dhe një kungull të madh nga pas. Çfarë
kungulli nuk e dimë mirë. Po dimë se Meksi bën si miu që
kur nuk e nxinte vrima ngulte këmbë të tërhiqte dhe
kungullin nga pas, Mbase Meksin për të hyrë në PD e
pengojnë dhe ato gërshërët e mëdha që ka bërë gati për të 
qethur edhe një herë viçat e pushtetit pëdëist, se vetë ka
thënë që kur të qethen viçat do të vijë PD-ja pushtet.
Sidoqoftë Meksi po ia bën më të vështirë ?punën
përbashkuese? Berishës. Vathës së Berishës i është hequr
fare trina që të byjnë në të derra e dele,. Kurse Meksi
ende ankohet se nuk e nxënka vrima,
Po kush po u bën gjjithë këto mrekullira post-festum në PD?
Mos harroni  se në fuqi në Greqi ka ardhur përsëri ?Nea
Demokracia?. Gjithë të vjetrit e pushtetit të PD-së që
përfituan nga kujdesi i Micotaqist mund të gjejnë përsëri
ngrohtësi. U dogj vetëm Pollo se ai në vitin 1999 bëri në
PD lojën e Simitisit. Megjthatë Saliu mund të bëjë edhe
supriza të tjera post-festum , ta thërresë dhe Pollon,
Gjinushin e Çupin. Një ithtar i Berishës para dy vjetësh
kur Saliu nisi ?Fillimin e ri? na siguronte se Saliu kishte
200 variante veprimi. Por ato pjellin të tjera. Veçse
variantet po vjetrëohen. Sala ka shpallur ?Ditët e
shpresës?. Por shpresa qenka tek të përdalët e të skaduarit
e  PD-ë e të demokracisë. Punë pa shpresë!.

Abdi Baleta







                
__________________________________ 
Do you Yahoo!? 
Jazz up your holiday email with celebrity designs. Learn more. 
http://celebrity.mail.yahoo.com


------------------------ Yahoo! Groups Sponsor --------------------~--> 
$4.98 domain names from Yahoo!. Register anything.
http://us.click.yahoo.com/Q7_YsB/neXJAA/yQLSAA/KDuplB/TM
--------------------------------------------------------------------~-> 

Mos harroni se Shqiperia eshte nje Liste Informative Kombetare Shqiptare, synon 
ne nxitjen e atedhedashurise, tek te gjithe shqipetaret pa dallim Krahine, 
besmi dhe seksi. Me parimin : Me i nderuari nga ne eshte nacionalisti dhe ai qe 
 i sherben me shume ceshtjes kombetare... Per kete jane te ftuar te gjithe 
shqiptaret kudo qe ndodhen qe te kontribojne ne rritjen e atedhedashurise nder 
shqiptar...

Per tu anetaresuar ne liste e-mailo: 

shqiperia-subscribe@xxxxxxxxxxxxxxx

Per ta lene listen e-mailo: 

shqiperia-unsubscribe@xxxxxxxxxxxxxxx

================================================================== 
Yahoo! Groups Links

<*> To visit your group on the web, go to:
    http://groups.yahoo.com/group/shqiperia/

<*> To unsubscribe from this group, send an email to:
    shqiperia-unsubscribe@xxxxxxxxxxxxxxx

<*> Your use of Yahoo! Groups is subject to:
    http://docs.yahoo.com/info/terms/