Re: Siaran radio...

Setiawan wrote:

>Haturan Kang Rh..,
>Wilujeng sonten kasadayana kadang wargi....
>
>usum naon tah didinya...mani liburan wae geuing...jadi sirik yeuh..
>  
>

Haturan Kang Stw,
Wah make kudu sirik sagala he he he. Kuring mah puguh kudu sirik mah. 
Can cumpon hayang indit ka Jepun jeung China, karek niat wungkul, kabita 
puguh... tapi embung ah disebut sirik mah ketah ;)). Duka keur nunggu 
naon ieu teh, keun engke oge bakal cunduk waktuna jeung aya milikna lah nya.

Kabeneran Kang kuring boga saung di FR kidul, jadi sataun sakali mah 
kapaksa kudu dilongokan. Kamari oge sababaraha poe mah sibuk we 
burus-beres, jukut ngajejembrung kudu dibabadan, loba tangkal harieum 
tutuhaneun. Pager oge loba benerkeuneun, can kaburu deuih. Ieu saung teh 
geus umuran Kang, ceuk beja mah umurna teh 300 nepi ka 400 taun! Teu aya 
nu nyahoeun pastina mah, ngan lamun nilik arsitekturna mah jelas 
saluhureun 300 taunan, da eta  kandel 'dinding' (naon BS na nya, 'bilik' 
kitu?) na oge aya kana sameterena mah. Ripuh lamun kudu nyieun liang 
jang ledeng atawa keur kabel listrik!!!

Kang, perkara input BS mah kuring oge sarua kitu. Baheula deukeut imah 
aya toko buku anu sok nyewa2keun buku komik jeung Kho Ping Ho, oge buku2 
Sunda anu disebut tea. Tah ku anu  kitu diajar maca teh. Ngan hanjakal 
eta toko teh euweuh nu neruskeun sigana mah, da ayeuna mah jualan 
barang2 biasa wungkul. Tilu taun katukang, waktu kuring ka lembur kungsi 
tepung jeung anu boga eta toko. Ku kuring harita teh koleksi buku2 Sunda 
na diborong kabeh, da eta mani numpuk digudang teu diurus. Ngan hanjakal 
teu katulungan Kang, lolobana ancur geuning... jadi teu bisa dibawa ka 
NL. Lebar puguh!!!

Sakieu heula bae dongengna, ke nyambung deui.

Rahman
Hautefort, FR





Ti urang, nu urang, ku urang jeung keur urang balarea